Wednesday, October 27, 2021
Home اردو اپوزیشن کا اتحاد مضبوط : ترنمول

اپوزیشن کا اتحاد مضبوط : ترنمول


وزیر اعظم پارلیمنٹ سے الگ تھلگ رہے اوروہ لوک سبھا میں ڈپٹی اسپیکر کی تقرری کے حق میں نہیں ہیں اور ایسا اس لیے کیا جا رہا ہے تاکہ اپوزیشن پارٹی کو یہ عہدہ نہ ملے۔

تصویر یو این آئی
user

Engagement: 0

اپوزیشن جماعتوں کے کل کے احتجاجی مظاہرے کے دوران غیر حاضر رہنے والی ترنمول کانگریس نے کہا ہے کہ اسے ہلکے میں نہیں لیا جائے اور اپوزیشن کا اتحاد پوری طرح سے مضبوط ہے۔ ترنمول کانگریس کے لیڈروں نے کل ایک پریس کانفرنس میں کہا کہ حکومت پارلیمنٹ میں اپوزیشن کی آواز کو دبانا چاہتی تھی ۔ ترنمول لیڈر سوگتا رائے نے کہا کہ وزیر اعظم پارلیمنٹ سے الگ تھلگ رہے اوروہ لوک سبھا میں ڈپٹی اسپیکر کی تقرری کے حق میں نہیں ہیں ۔ ایسا اس لیے کیا جا رہا ہے تاکہ اپوزیشن پارٹی کو یہ عہدہ نہ ملے۔

انہوں نے کہا کہ حزب اختلاف ملک کی 63 فیصد آبادی کی نمائندگی کرتے ہیں ۔ اپوزیشن جماعتوں کے کل کے مارچ سے غیر حاضر رہنے کے تعلق سے پوچھے جانے پر انہوں نے کہا کہ مانسون سیشن کے دوران پوری اپوزیشن نے مل کر کام کیا۔ مغربی بنگال میں ترنمول نے اکیلے الیکشن لڑا اور وہ اکیلے حکومت چلا رہی ہے ۔ ہمارا موقف دوسری سیاسی جماعتوں سے کچھ مختلف ہے۔

واضح رہے کہ آج اپوزیشن جماعتوں نے پارلیمنٹ سے وجئے چوک تک احتجاجی مارچ نکالا جس میں تقریبا 15 جماعتوں کے لیڈروں نے شرکت کی ۔ اس کی قیادت کانگریس کے سابق صدر راہل گاندھی اور دیگر کئی لیڈروں نے کی۔




Source link

LEAVE A REPLY

Please enter your comment!
Please enter your name here

Most Popular

Recent Comments

error: We are sorry, You can\'t Copy it.